JÉ Olenpik pou Jèn Dakar 2026

An 2026, Dakar, Sénégal ap òganize premye evènman Olenpik sou kontinan Afriken – Jeux Olympiques de la Jeunesse (JOJ). Evènman sa a rasanble pi bon jèn atlèt nan mond lan (jiska 17 an). Nou vle wè drapo Ayiti ap flote nan konpetisyon triatlon yo. Se yon gwo chans pou jèn triatlet ayisyen yo – oswa atlèt ki soti nan natasyon, bisiklèt, oswa kouri – pou yo fè Ayiti klere sou sèn mondyal la.

Pou atlèt ak paran :

• Laj obligatwa : Ant 15–17 an pandan jwèt yo. Sa vle di ou dwe fèt an 2009 oswa 2010.
   
• Nasyonalite ayisyen : Ou dwe gen sitwayènte ayisyen ak paspò ayisyen. Si ou gen rasin ayisyen men ou poko gen papye yo, se moman pou regle sa.
   
• Preparasyon espòtif : Ou dwe gen fòmasyon nan triatlon oswa nan youn nan twa disiplin yo (naje, bisiklèt, kouri) epi pare pou antrene seryezman.
   
• Fair play ak valè Olenpik yo : Respekte règ yo, anti-dopaj, onè, entegrite ak respè.
   

Ayiti kapab voye yon fi ak yon gason. Men kijan sa fèt :

1. Aplike : Ranpli fòm sou entènèt la (gade lyen anba a).
    
2. Antrènman : Antrenè Triathlon Ayiti ap akonpaye ou avèk yon pwogram pwofesyonèl.
    
3. Konkou 2025 : Ou pral patisipe nan konpetisyon pou jèn yo pou fè eksperyans epi montre kapasite ou.
    
4. Kota (2026) : CIO ak World Triathlon ap deside ki peyi ki jwenn plas. Nou kwè Ayiti ap ladan yo.
    
5. Seleksyon final (2026) : Atlèt ki pi pare a ap chwazi pou reprezante Ayiti.
   

• Vivre yon eksperyans Olenpik mondyal.
   
• Devlope kòm atlèt ak kòm moun.
   
• Enspire yon nasyon antye.
   

Genyen tou yon kous relè melanje kote atlèt Ayiti kapab fè ekip ak lòt jèn nan kontinan an – yon opòtinite espesyal pou amitye ak koperasyon.